თბილისი ყველაფრით გამორჩეული ქალაქი რომ არის, ყველამ ვიცით. ერთი მართლა გასაოცარი ამბავი გამახსენდა, რომელიც ზაზა შენგელიამ მიამბო.
რამდენიმე წლის წინ, თბილისში "თბილისური გაზაფხულის"ფესტივალი იმართებოდა ხოლმე პლეხანოვზე (აღმაშენებლის გამზირი), "გოფილექტის" ბაღში.
ჰოდა, დიდი მაესტრო, სულკურთხეული ჯანსუღ კახიძე საფესტივალოდ ემზადებოდა,
გვიან ღამით რეპეტიციას ატარებდა ორკესტრთან ერთად.
ქალაქის მთავრობა ყველაფერს აკეთბდა ამ ფესტივალის მაღალ დონეზე ჩასატარებლად და ყურადღებას არ აკლებდა მონაწილეებსა და სტუმრებს.
ფესტივალის გახსნის წინა ღამეს, "გოფილექტის" ბაღში ზაზა შენგელია და გიგი წერეთელი მივიდნენ. თან ორკესტრის შესრულებით მშვენიერ მუსიკას უსმენდნენ, თან საქმეზე სუბრობდნენ და მოსამზადებელი სამუშაოს ბოლო დეტალებზე თანხმდებოდნენ, რომ უეცრად ყველანი, მაესტრო ჯანსუღის ჩათვლით ადგილზე გაშეშდნენ, არც მეტი, არც ნაკლები მფრინავი ობიექტი დაინახეს ბაღის თავზე, უზარმაზარი, უცნაურად მოსისინე თეფში, რომელსაც ძალიან ბევრი შუქები ჰქონდა და ეს შუქები თურმე ისე ანათებდნენ და თან ისე რაღაცნაირად მოძრაობდნენ, ლამის თითოეულმა მათგანმა ენა გადაყლაპა მოულოდნელობისგან. თვალს არ უჯერებდნენ, უტყუარი ფაქტი იყო, მათ თავზე მფრინავი თეფში ეკიდა და ამას საკუთარი თვალით უყურებდნენ (სად ვიყავი, ფოტო მაინც გადამეღო "იმისთვისაც" და ამათთვისაც, რა სანახავები იქნებოდნენ ყველანი?!).
მერე, რაღაც წამებში მფრინავი ობიექტი შეტორტმანდა და გაუჩინარდა. ალბათ, თავისი გზით წავიდა თუ გაფრინდა, ეს უკვე არ ვიცი.
რა თქმა უნდა, მეორე დღეს ფესტივალის - "თბილისური გაზაფხულის" გახსნა იზეიმა თბილისმა, მაგრამ თეფშის მნახველებს მაინც თეფში ედგათ თვალწინ.
საერთოდ, ნასვამ ადამიანებს ეჩვენებათ ხოლმე უცნაური ამბები, მაგრამ დანამდვილებით ვიცი, რომ თეფშის მნახველებიდან არავინ იყო ნასვამი, არც ზაზა შენგელია, არც გიგი წერეთელი, არც ჯანსუღ კახიძე და არც იმოდენა ორკესტრი.
* * *
იმ თეფშს არ ქონია ჭკუა, ფესტივალის გახსნაზე მაინც მობრძანებულიყო დალოცვილი, ხომ დაესწრებოდა კაი |ძვირფას კონცერტს და კაი ძვირფას ბანკეტს "საკუთრი თეფშით?..."
Комментариев нет:
Отправить комментарий